Pages

Saturday, September 13, 2014

Chanel Les Beiges Healthy Glow Fluid No. 40





فاونديشن شانيل Les Beiges الوهج السائل يمنح البشرة نهاية صحية بتوهج طبيعي جدًا ولمعة صحية بعيد جدًا عن الزيتية أو المائية ، أقرب لكونه كريم ملون من فاونديشن ،  Les Beiges يأتي في أنبوب ضغاط بيج صغير الحجم مما يسهل حمله والتنقل به ، تم اصدار خمس درجات لونية منه وهي 10 , 20 , 30 , 40 , 60  مو متأكدة إذا كان في منه 50 ، اللي معاي درجة 40 أغمق من بشرة وجهي بنص درجة وراح تشوفوا السواتش تحت على يديني أغمض بدرجة ونص لأن بشرة جسمي أفتح من وجهي ، فضلت 40 لأن ال30 أفتح مني وكاستخدام يومي أفضل نفس لون بشرتي أو أغمق ، مشكلة شانيل إن درجاتها جدًا محدودة وحتى تحصلي لونك لازم توازني بين لونين غير ذلك اسعارها تعتبر مرتفعة .



- من مكونات الفاونديشن الي تمنح البشرة توهج ونهاية صحية Octinoxate 2.5% و Titanium Dioxide 6.4% ، كما أنه يحتوي على حماية من الشمس بنسبة 15٪ .

- تغطية الفاونديشن متوسطة لقليلة وأقرب لكونها شفافة ، أول ماتوزعيه على البشرة بتحسي إنه يختفي لاتكثري ولا ترجعي تحطي مرة ثانية أنتظري دقيقة وراح تلاحظي الفرق بشرة متوهجة ولون فيه حياة جميل ، التوهج في البشرة توهج صحي بدون أي لمعة ، اذا حسيتِ إن لسى تحتاجي تغطيه كرري مرة ثانية بعد مرور دقيقتين من الأولى  .
 



استخدم في توزيع الفاونديشن اصابع يدي لأنه خفيف مرة ومع الفرشاة يختفي قبل لايتوزع ويندمج مع البشرة ، مايغطي عيوب البشرة الداكنة ، الفاتحة ممكن يخففها بنسبة ٧٠٪ لاتلاحظ بعده ، ممكن للبشرات اللي فيها عيوب تستخدم كونسيلر لإخفائها بشرط يكون نفس لون البشرة عشان مايكون فيه فرق ، وممكن تستخدمه كقاعدة قبل الفاونديشن الاساسي ( جربت اخلطة مع فاونديشن بس ماحبيت النتيجة ) ، اما البشرات الخالية من العيوب ماتحتاج شي معاه .

- شخصيًا استخدمه بمفرده ، بشرتي دهنية مختلطة جربته فترة ٦ ساعات ومراح من بشرتي ولا تغير لونه ولا دهنت منطقة التي زون وأغلب الرفيو عنه إنه يستمر طوال اليوم ، الحلو فيه إنه يغطي المسام الصغيرة بدون استخدام برايمر ملمس البشرة معاه اقرب لحريري ، ماطلع لي حبوب ولا سد المسام  .

فاونديشن لي بيج يناسب البشرة الخالية من العيوب تقريبا أو فيها اثار خفيفة سواء كانت جافة أو دهنية بدون برايمر ، اذا كانت دهنية بشكل مفرط تستخدم قبله برايمر ، يعطي توهج صحي رائحته كرائحة منتجات شانيل زهور طبيعية ممكن اللي تتحسس منها تجربه أول قبل الشراء ، فيه كل مواصفات البي بي كريم لكن مراح أظلمه وأقول عنه بي بي كريم لأنه أجمل وانا شخصيًا حبيته مرة استخدمه في كل طلعة كواقي أو يمنح البشرة لون جميل وتغطية خفيفة ، نقدر نستخدم معاه بودرة تثيبت شفافة أو بلون لتغطية أكثر .


 

 Les Beiges أغمق من يدي بدرجة ونص الدرجة تعتبر تان فاتح

كتقيم للمنتج امنحه ٩ من ١٠ أحب فيه تغطيه الصحية والتوهج الجميل كنت أتمنى يعطي تغطية أكثر شوي وبسعر أقل ( نقصته درجة عشان التغطية والسعر ) ، رغم أن تغطيته رائعة وملمس ناعم وتوهج صحي ولون فيه حياة وهذا الشي مايقلل كون المنتج بطل ، بطل لأنه يغطي بشكل خفيف ويمنح توهج وبنهاية طبيعية ١٠٠٪ ما كأنك حاطة فاونديشن ❤❤ .

- إذا كنتِ تحبِ التغطية الخفيفة الصحية والوهج الطبيعي وبشرتك نوعًا ما خالية من العيوب وماتحسس من الروائح وتطمحي للون بشرة طبيعي وميزانيتك متوسطة هذا المنتج اليومي المناسب لك .


هل جربتِ من شانيل هذه الانواع من الكريمات الملونة والمرطبة ؟ اكتبي لنا تجربتك تحت في الكومنت ❤



سعره ٢٢٥ ريال ٣٠ مل يوجد في اغلب محلات التجميل الكبيرة
يباع ايضًا في نوردستورم


أي سؤال ، لمتابعتي على الإنستغرام وتويتر والفيس بوك 
كما يسعدني جدًا تسجيلكم في متابعين المدونة التسجيل سهل وماياخد وقت ويرفع من آداء المدونة وترتيبها ويسعدني جدًا من خلال الزر أسفل المدونة









 


دمتم بجمال

2 comments:

  1. يعني كانو بي بي كريم تقريبا؟

    انا حبيته لاني اي شي يعطي منظر صحي وطبيعي احبه
    يعطيك العافيه على الريفيو ياجميلة :")

    ReplyDelete
    Replies
    1. لا مش بي بي كريم اقرب لكونه مرطب ملون تنت موسترايزر
      مرة جميل ومنظرة صحي رائح اذا بشرتك مافيها عيوب بينفع لك
      الله يعافيك حبيبتي

      Delete

Members